ਲੁਧਿਆਣਾ— ਇੱਥੋਂ ਦੇ ਢੰਡਾਰੀ ਇਲਾਕੇ 'ਚ ਕਵਨ ਐਗਰੋ ਇੰਡਸਟਰੀ 'ਚ ਹੋਏ ਜ਼ੋਰਦਾਰ ਧਮਾਕੇ ਨਾਲ 3 ਲੋਕਾਂ ਦੀ ਹਾਲਤ ਗੰਭੀਰ ਹੈ ਅਤੇ 1 ਦੀ ਮੌਤ ਹੋ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ 26 ਜਨਵਰੀ ਦੇ ਮੌਕੇ ਵੀ ਇੰਡਸਟਰੀ ਚੱਲ ਰਹੀ ਸੀ।
ਇਸੀ ਦੌਰਾਨ ਹੋਏ ਧਮਾਕੇ ਨਾਲ 1 ਦੀ ਮੌਤ ਹੋ ਗਈ, ਜਦੋਂਕਿ 3 ਲੋਕ ਗੰਭੀਰ ਹੋ ਗਏ ਹਨ। ਜ਼ਖ਼ਮੀਆਂ ਨੂੰ ਇਲਾਜ ਲਈ ਨਿਜੀ ਹਸਪਤਾਲਾਂ 'ਚ ਭਰਤੀ ਕਰਵਾਇਆ ਗਿਆ ਹੈ। ਇੰਡਸਟਰੀ 'ਚ ਅੱਗ 'ਤੇ ਕਾਬੂ ਪਾਉਣ ਲਈ ਪੁਖ਼ਤਾ ਪ੍ਰਬੰਧ ਵੀ ਨਹੀਂ ਸਨ। ਫੈਕਟਰੀ ਦੇ ਅੰਦਰ ਤੇਲ ਨਾਲ ਭਰੇ ਡਰਮ ਵੀ ਰੱਖੇ ਹੋਏ ਸਨ। ਜ਼ੋਰਦਾਰ ਧਮਾਕਾ ਹੋਣ ਕਾਰਨ ਮਸ਼ੀਨਾਂ ਦੇ ਪੁਰਜ਼ੇ ਵੀ ਉੜ ਗਏ। ਪੁਲਸ ਮਾਮਲੇ ਦੀ ਜਾਂਚ 'ਚ ਜੁੱਟੀ ਹੈ।